شعر لری یاریار بویراحمدی
یه نَوتی نَذر ایکُنُم ، بشنفُم پیومت
پیرل بی معجزه ، نَوتَلُم حرومت
**********
ستاره ی لیزَه نشین ، اشکَهسه دو گوُگُم
خروسخونم ماتمه ، گوش و بُنگ شوکُم
**********
لویلت شراب سرخ , تیلت خرابی
دمدمه ی افطار خشه, بوس و لو شرابی
**********
صُب یه رنگ ظهر هم یه رنگ , پسین هم یه رنگی
ایطوُری فیس وَم مکن , سُهر پا پلنگی
**********
ا شکَهسه صیی دلم ، بس که گفتمت یار
چرخ عصیون فلک ، مردَ ایکنه خوار
**********
چارچوُمَه سه جا بِنیت , ری وَ ری مَزارُم
خالِ لَو خیالِ لَو , بیشتر زُلف یارُم
*
شعر از : مصطفی مبارکی
شعر لری از مصطفی مبارکی
تاگ تشنه ی خومی ام هی بنگ بارون ایکنـِم
بنگ کی لهـراس و بنگ تنگ هیگون ایکنم
شور غـازه نیگرهتش کوگ لیزه ی وردمون
شوک و بختـم نینشینه فکر درمون ایکنـم
یه صیـادی تیم نشهس و یار یاری تازه گفت
یاد دسمال تو و چـاره ی زمهسون ایکنـم
چی سیاوشی تکهسم ایل غـم همسه ی دلم
داغ سودابه پرستی مثـل مجنون ایکنـم
هـر تفنگی آرمونـش رهگلی پازن گره
سیـل ناله ی سرد برنو و بیـابون ایکنم
دیر و دیرم ایروی و شونم درد وم نشهس
چشمل رشـته ی تو هم آخر پشیمون ایکنم
با تشکر از مصطفی مبارکی
شعر لری از طرف علی معصومی
کوگ مهس سویز ومزیز واوچنار
مو کموتر تیر خرده خومی نشینم
رفیقم تیم بال ور مگه مردم وانتظار
صیادم دهس ومو وردار که مودهبی نشینم
ار ولم نیکنی بیووربه ای بال اشکهسه وزار
اگرهم نیتری بل تادمونی و گل نشینم
مرحبامارین ومردل گرون نیکو کردار
کموتر تیر خرده زحلت مر مو بچی اولادمعصومم
قربون چل خرده زر پی صیاد برنو قطار
کهره شکال سهرعلوس رم وممکه مو بچی مارینم
مارینی من رهگلش غیرت ووفا قطارقطار
ارباورنیکنین وردارین وبیین بوینین بهلین تابمیرم.
با تشکر از دوست عزیزم آقای علی معصومی که این شعر زیبا رو برامون فرستادن.
شعر لری
یه سََله کَلگ بلیت
یه بَقل حِیمه خُشکِ کَلَخُنگ
یه نفس بوی کلوس
یه هزار نغمه ی پاک دی بلال
همه ارزونی بَرقِ تیَلت
همه قُربونِ یه تال میَلت
همنه ایدوم دسِ باد ، باد شمال
تا بگَرنشون وَ دوره پَللت
تیَلت مثلِ ستاره منه شو زر میَلت
کَهکشونه برگَلت
هفت بِرارون خالَلت
او بُلور گردنت چی قاوِ دال
مونه کی لیوه ایگردوم منه مال
توچه کردی که خدا وُر منه یشو
تونه راس کرد و نِشوندت سَرِ رو
بگری از مو تو خو
بگری از مو یحو
هرچه داشتو دورویم بی به خدا
به همو پیری که عالم بش ایگون شازابدالله